الشروط والأحكام

هذا النص المعتمد حاليًا، وقد يتغير بعد مراجعة قانونية. أي تغيير يظهر كنسخة جديدة توافق عليها في التطبيق.

1. مين إحنا

بوتقة منصة تعليم هندسي بالعربي، بيقدمها إبراهيم طارق. للتواصل: info@bootqa.com.

- بتدخل بحساب Google أو Apple، وبتأكد رقم موبايلك مرة واحدة بكود بيوصلك على واتساب.

- الرقم الواحد لحساب واحد. والحساب لشخص واحد ومينفعش يتشارك.

- لازم يكون سنك 18 سنة فأكتر. ولو سنك من 16 لـ 18 سنة، لازم ولي أمرك يوافق. واللي أصغر من 16 سنة مينفعش يسجل.

- لو سنك أقل من 18 سنة، بموافقتك على الشروط انت بتأكد إن ولي أمرك موافق.

- مسموح بجهازين بس. الدخول من جهاز تالت بيترفض، والمحاولة بتتسجل وبيوصلك عنها إشعار.

- تقدر تبدّل جهاز مرة كل 30 يوم.

- لو الجهازين ضاعوا، تقدر تستعيد حسابك بكود على رقمك. ولو الرقم ضاع، كلم خدمة العملاء.

أول دخول لازم تتفرج على فيديو الترحيب كامل. وبيفضل متاح بعد كده في "حسابي".

- جوه التطبيق الدفع بـ Google Play أو Apple. وعلى الموقع بـ InstaPay أو فودافون كاش، والكورس بيتفتح بعد ما نراجع التحويل.

- السعر هو اللي ظاهر وقت الشراء. سعر الإطلاق ممكن يزيد كل يوم لحد السعر الرسمي.

- الكورس بيفضل متاح ليك طول ما المنصة شغالة.

- من حقنا نحدّث الكورس بنسخة أحدث.

- المشتريات من Google Play وApple بتمشي على سياسة المتجر.

- المشتريات من الموقع: تقدر تطلب الاسترجاع خلال 14 يوم من الشراء، لو ماتفرجتش على أكتر من 10% من الكورس.

- لو المبلغ اترجع، الوصول للكورس والشهادة المرتبطة بيه بيتلغوا.

- كل المحتوى ملك بوتقة. مسموحلك تتفرج عليه لنفسك بس.

- ممنوع تسجيل أو نسخ أو رفع أو بيع أو مشاركة الفيديوهات أو الامتحانات.

- كل فيديو عليه علامة مائية متحركة: اسمك وموبايلك ورقم حسابك.

- بعد كل درس فيه امتحان قصير، لازم تنجح فيه علشان الدرس الجاي يفتح.

- قبل أول امتحان شامل بنتأكد من هويتك بصورة وثيقة وسيلفي، وبتكتب اسمك بالإنجليزي.

- الامتحان الشامل بوقت محدد، والأسئلة بتختلف بين الطلاب، وخروجك من التطبيق أثناءه بيتسجل.

- ممنوع الغش أو إن حد تاني يمتحن مكانك.

- الشهادة بتطلع بعد النجاح في الامتحان الشامل. وشهادة الدبلومة بعد كل كورساتها ومشروع التخرج.

- الاسم اللي عليها هو اسمك الإنجليزي، وبيتقفل بعد أول شهادة.

- كل شهادة ليها رقم وQR، وأي حد معاه الرقم يقدر يتحقق منها على bootqa.com/verify.

- ممكن الشهادة تتلغي لو اتكسبت بالغش أو لو مبلغها اترجع، وصفحة التحقق بتعرض إنها اتلغت وسبب الإلغاء.

بوتقة بترشّح طلابها المتميزين لشركات ومصانع موثوقة، من غير ما تدفع أي فلوس أو نسبة من مرتبك.

لو خالفت الشروط، ممكن نوقف حسابك ونعرضلك السبب. كورساتك وبياناتك بتفضل محفوظة، وممكن الحساب يرجع.

لو الشروط اتغيرت أو نزلت ميزة جديدة بتأثر عليك، هنعرض عليك النسخة الجديدة توافق عليها.

الشروط دي بتخضع للقانون المصري.